कर्णालीबाट चिकित्सक उत्पादन सुरु, पहिलो ब्याचका १८ विद्यार्थी एमबीबीएस उत्तीर्ण

जुम्ला- कर्णाली स्वास्थ्य विज्ञान प्रतिष्ठान, जुम्लाबाट पहिलोपटक एमबीबीएस चिकित्सक उत्पादन भएका छन्। प्रतिष्ठानको पहिलो एमबीबीएस ब्याचका १८ जना विद्यार्थी अन्तिम (पाँचौं वर्ष) परीक्षा उत्तीर्ण भएसँगै कर्णालीको स्वास्थ्य शिक्षा इतिहासमा नयाँ अध्याय थपिएको छ।

प्रतिष्ठानले आर्थिक वर्ष २०८२/८३ मा सञ्चालन गरेको एमबीबीएस कार्यक्रमअन्तर्गत पहिलो ब्याचको नियमित वार्षिक अन्तिम परीक्षाको नतिजा सार्वजनिक गरेको हो। प्रकाशित नतिजाअनुसार परीक्षा रोल नम्बर १ देखि १६ तथा १८ र २० का विद्यार्थी उत्तीर्ण भएका छन्। अब उनीहरूले अनिवार्य इन्टर्नशिप सुरु गर्नेछन्।