‘हरित काव्य गोष्ठी-२०८३’: कवितामार्फत पर्यावरणीय चेतना जागरण

विश्व वातावरण दिवसको अवसरमा राजधानीमा आयोजित ‘हरित काव्य गोष्ठी–२०८३’ साहित्य, वातावरण र सामाजिक चेतनाको सशक्त संगमका रूपमा सम्पन्न भएको छ। वर्तमान कविता समूह, शब्दाङ्कुर मासिक, रातोघर तथा कोटेश्वर बहुमुखी क्याम्पसको संयुक्त आयोजनामा शनिबार कोटेश्वर–जडीबुटीस्थित कोटेश्वर बहुमुखी क्याम्पसको सभाहलमा कार्यक्रम भएको हो।

क्याम्पस प्रमुख डा. प्रकाश पोखरेलको सभापतित्वमा आयोजित कार्यक्रममा वर्तमान कविता समूहका विश्व सिग्देलले स्वागत मन्तव्य व्यक्त गर्दै समूहले सञ्चालन गर्दै आएका साहित्यिक तथा सिर्जनात्मक गतिविधिबारे जानकारी गराए।