राष्ट्रिय विभूतिको आदर्शबाट प्रेरणा लिएर स्वाधीनता र राष्ट्रिय अस्मिता जोगाउन आह्वान [भिडियो]

काठमाडौँ। राष्ट्रिय विभूति बडाकाजी अमरसिंह थापा र मुख्तियार जनरल भीमसेन थापाको योगदान स्मरण गर्दै देशको स्वाधीनता, स्वाभिमान र राष्ट्रिय अस्मिता संरक्षणका लागि उनीहरूको आदर्शबाट प्रेरणा लिनुपर्नेमा वक्ताहरूले जोड दिएका छन्।

बगाले थापा क्षेत्री राष्ट्रिय फाउण्डेशन, नेपालद्वारा राष्ट्रिय विभूति वीर योद्धा बडाकाजी अमरसिंह थापाको २१०औँ स्मृति दिवस तथा मुख्तियार जनरल भीमसेन थापाको २५२औँ जन्मजयन्तीका अवसरमा आयोजित वृहत् रक्तदान कार्यक्रममा वक्ताहरूले यस्तो धारणा व्यक्त गरेका हुन्।