नेपालमा १२ लाख पर्यटक भित्रिँदा भारत र अमेरिका बने मुख्य सारथि

काठमाडौं । नेपालको पर्यटन क्षेत्रले लामो समयको सुस्ततापछि उत्साहजनक फड्को मारेको छ। कोभिड-१९ को विश्वव्यापी महामारीपछि पुनरुत्थानको बाटोमा रहेको पर्यटन उद्योगले आर्थिक वर्ष २०८२/८३ मा नयाँ उचाइ कायम गरेको हो। नेपाल पर्यटन बोर्ड (एनटीबी) ले सार्वजनिक गरेको पछिल्लो तथ्यांकअनुसार यस आर्थिक वर्षमा कुल १२ लाख ९ हजार ३५७ विदेशी पर्यटकले नेपाल भ्रमण गरेका छन्।

यो तथ्यांकले नेपालको पर्यटन उद्योग पुनरुत्थानको चरण पार गरेर अब ‘दिगो वृद्धि’को लयमा फर्किएको स्पष्ट संकेत गरेको छ।