ओलीलाई प्रचण्डको सन्देश- तत्काल पार्टी एकता होइन, सहकार्य मात्रै

नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ ले एमालेसँग तत्काल एकता गर्नुपर्ने पक्षमा आफू नरहेको स्पष्ट पारेका छन्।

मदन भण्डारीको ७५ औं जन्मजयन्तीको अवसरमा एमाले अध्यक्ष केपी शर्मा ओली सहितका नेताहरू उपस्थित कार्यक्रमलाई सम्बोधन गर्दै संयोजक प्रचण्डले एमालेसँग तत्काल एकता नभई सहकार्य गर्न सकिने र त्यो आवश्यक रहेको बताएका हुन्।