भदौ २३–२४ को घटनाको वैज्ञानिक समीक्षा नगरे वर्तमान चुनौती सामना गर्न सकिँदैन : प्रचण्ड

नेपाली कम्युनिष्ट पार्टीका संयोजक तथा पूर्वप्रधानमन्त्री पुष्पकमल दाहाल ‘प्रचण्ड’ले २०८२ भदौ २३ र २४ गते भएको घटनाक्रमले नेपालको राजनीतिक नेतृत्व, सुरक्षा संयन्त्र र वामपन्थी आन्दोलनका कमजोरी उजागर गरेको भन्दै त्यसको गहिरो, वस्तुनिष्ठ र वैज्ञानिक समीक्षा अपरिहार्य रहेको बताएका छन्।

४८औँ पुष्पलाल स्मृति दिवसको अवसरमा आयोजित ‘वर्तमान राजनीतिक परिस्थितिमा वामपन्थी दलहरूको भूमिका’ विषयक विचार गोष्ठीलाई सम्बोधन गर्दै उनले उक्त घटनालाई ‘प्रतिक्रान्तिकारी परिघटना’को संज्ञा दिँदै त्यसमा वैदेशिक दबाब र हस्तक्षेपसमेत देखिएको दाबी गरे।