काभा पुरुष भलिबल च्याम्पियनसिपमा नेपाल लगातार पराजित

काठमाडौँ। सेन्ट्रल एसियन भलिबल एसोसिएसन (काभा) पुरुष भलिबल च्याम्पियनसिप २०२६ मा नेपाल घरेलु टोली पाकिस्तानसँग पराजित भएको छ।

पाकिस्तानको इस्लामावादमा आज (शुक्रबार) भएको खेलमा नेपाल पाकिस्तानसँग ३-० सोझो सेटमा पराजित भएको हो। प्रतियोगितामा नेपालको यो लगातार तेस्रो हार हो। नेपाल पहिलो खेलमा कजाकिस्तान र दोस्रो खेलमा श्रीलंकासँग पराजित भएको थियो।