कर्णालीका मुख्यमन्त्री कँडेलले दिए राजीनामा

सुर्खेत । कर्णाली प्रदेशका मुख्यमन्त्री यामलाल कँडेलले पदबाट राजीनामा दिएका छन्। शनिबार बसेको प्रदेशसभा बैठकलाई सम्बोधन गर्ने क्रममा उनले आफ्नो पद त्यागेको घोषणा गरेका हुन्।

कँडेलविरुद्ध नेपाली कांग्रेस र नेपाल कम्युनिस्ट पार्टी (माओवादी केन्द्र) ले असार ३२ गते अविश्वासको प्रस्ताव दर्ता गरेका थिए। सोही प्रस्तावमाथिको छलफलका क्रममा उनले आफ्नो धारणा राख्दै राजीनामा घोषणा गरेका हुन्।