विश्वकपअघिको मैत्रीपूर्ण खेलमा अर्जेन्टिनाद्वारा होन्डुरस पराजित

टेक्सस । फिफा विश्वकप सुरु हुन केही दिन मात्र बाँकी छँदा साबिक विजेता अर्जेन्टिनाले मैत्रीपूर्ण खेलमा सहज जित हात पारेको छ। अमेरिकाको टेक्ससस्थित कलेज स्टेसनको कायल फिल्ड स्टेडियममा शनिबार भएको खेलमा अर्जेन्टिनाले होन्डुरसलाई २–० गोल अन्तरले पराजित गरेको हो।

रंगशालामा उपस्थित विशाल समर्थकको भिडले खेल अवधिभर अर्जेन्टिनाको पक्षमा हुटिङ गरे पनि टोलीका मुख्य खेलाडी लियोनेल मेस्सी मैदानमा नउत्रिँदा उनीहरू केही निराश बनेका थिए। मांसपेसीको थकानका कारण आराम गरिरहेका मेस्सी खेलभर बेन्चमै सीमित भएका थिए।