सरकारले गोविन्द केसीको मागलाई छिट्टै सम्बोधन गर्ने लक्षण, दोस्रो दिनमै संवादको पहल

काठमाडौँ । सरकारले सत्याग्रही डा गोविन्द केसीका माग छिट्टै सम्बोधन गर्ने लक्षण ल्याएको छ । पहिले लामो समयसम्म अनसन बसेपछिमात्र सरकार तात्दै आएकामा यसपालि भने छिट्टै सम्बोधन गर्ने सम्भावना भएको हो ।

गत बिहीबारदेखि कञ्चनपुरको धनगढीमा आमरण अनसनरत रहेका डा केसीसँग वार्तामार्फत सहमतिपूर्ण समाधान खोज्न शुक्रबारै टेलिफोन संवाद गरेको भन्दै शिक्षा तथा खेलकुद मन्त्री सस्मित पोखरेलले आज शिक्षा तथा खेलकुद मन्त्रालयका सचिव चुडामणि पौडेल धनगढी पुगेको जानकारी दिएका छन् ।