कम्युनिस्ट पार्टीहरूबीच सहकार्य गर्न ढिला गर्न हुँदैन : नारायणकाजी श्रेष्ठ

काठमाडौं । नेकपाका नेता नारायणकाजी श्रेष्ठले नेपाली कम्युनिस्ट आन्दोलन सिङ्गैको एकीकरण, रूपान्तरण र पुनर्गठनको प्रक्रिया अगाडि बढाउनुपर्ने बताएका छन्। आज काठमाडौंमा आयोजित एक कार्यक्रममा बोल्दै कम्युनिस्ट पार्टीहरूले पहिला आआफ्नो पार्टी पुनर्गठन गर्नुपर्ने बताए।

उनले भने, ‘अहिले तत्काल सम्भव भइहालेको छ भन्ने होइन, अहिले आ–आफ्नो पार्टीको रूपान्तरण र पुनर्गठन गरौँ, कार्यगत एकता र सहकार्यको प्रक्रिया अगाडि बढाऔँ, रूपान्तरित र पुनर्गठित कम्युनिस्ट पार्टीहरूले सिङ्गो कम्युनिस्ट आन्दोलनको एकीकरण, रूपान्तरण र पुनर्गठनको प्रक्रियालाई नयाँ उचाइमा पुर्‍याऔँ।’