मैवाखोलामा नदीजन्य पदार्थ उत्खननमा रोक, अटेर गरे कारबाही

ताप्लेजुङको मैवाखोला गाउँपालिकाले पालिकाभित्रका नदी तथा खोलाबाट नदीजन्य पदार्थ उत्खनन, संकलन र बिक्री–वितरणमा आगामी भदौ ३१ गतेसम्म पूर्ण प्रतिबन्ध लगाएको छ।

गाउँपालिकाका प्रमुख प्रशासकीय अधिकृत टसी शेर्पाका अनुसार नेपाल सरकारद्वारा जारी ‘नदीजन्य पदार्थ (ढुंगा, गिटी, बालुवा) उत्खनन, बिक्री–वितरण तथा व्यवस्थापन सम्बन्धी मापदण्ड, २०७७’ (पहिलो संशोधन, २०७९) को दफा ४ को उपदफा (१६) बमोजिम उक्त निर्णय गरिएको हो।