असारको बिजुली बिलमा भ्याट विवाद : मन्त्रीको चासोपछि प्राधिकरणले माग्यो आन्तरिक राजस्वको राय

काठमाडौं । असार महिनामा खपत भएको विद्युत्को बिलमा मूल्य अभिवृद्धि कर (भ्याट) समावेश गरिएपछि उपभोक्ताबाट व्यापक गुनासो आएसँगै ऊर्जा, जलस्रोत तथा सिँचाइ मन्त्री विराज भक्त श्रेष्ठले नेपाल विद्युत् प्राधिकरणलाई उपभोक्ताको हित सुनिश्चित हुने गरी आवश्यक पहल गर्न निर्देशन दिनुभएको छ ।

आर्थिक ऐन, २०८३ अनुसार साउन १ गतेदेखि विद्युत् सेवामा भ्याट लागू हुने व्यवस्था भए पनि असार महिनाको खपतमा समेत भ्याट जोडेर बिल पठाइएको भन्दै उपभोक्ताले विरोध जनाएका थिए । त्यसपछि मन्त्री श्रेष्ठले कानुनी र व्यवहारिक पक्ष स्पष्ट गरी उपभोक्तामाथि अतिरिक्त आर्थिक भार नपर्ने गरी समाधान खोज्न प्राधिकरणलाई निर्देशन दिनुभएको हो ।