डा. केसीका माग सम्बोधन गरी जीवन रक्षा गर्न चिकित्सक संघको आग्रह

काठमाडौँ । नेपाल चिकित्सक संघले चिकित्सा शिक्षा र स्वास्थ्य क्षेत्र सुधारको माग राख्दै २४औँ पटक आमरण अनशनमा बसेका डा. गोविन्द केसीको जीवन रक्षाका लागि सरकारसँग आग्रह गरेको छ।

संघले शनिबार जारी गरेको प्रेस विज्ञप्तिमार्फत डा. केसी पुनः अनशन बस्नुपर्ने अवस्था आउनु गम्भीर विषय भएको जनाएको छ। अनशनका क्रममा उनको स्वास्थ्यमा विभिन्न जटिलता देखिन थालेको भन्दै संघले चिन्ता व्यक्त गरेको छ।