नेपाल एपीएम डबल्स टेबलटेनिस

ललितपुर । नेपाल एपीएम टेबल टेनिस क्लब, भैँसेपाटीको आयोजनामा नेपाल एपीएम डबल्स टेबलटेनिस च्याम्पियनसिप शनिबार सम्पन्न भएको छ ।

प्रतियोगितामा विभिन्न क्लबका गरी १ सय २० खेलाडी सहभागी थिए । प्रतियोगिताको उपाधि इखाछेँ टेबलटेनिस क्लबका राजेन्द्र श्रेष्ठ र राजु शाक्यको जोडीले जिते । अत्यन्त प्रतिस्पर्धात्मक फाइनल खेलमा उनीहरूले स्पिन टेबलटेनिस क्लबका ज्याकी महर्जन र प्रज्ञा महर्जनको जोडीलाई ३–२ सेटले पराजित गरे ।