प्रहरी हुँ भन्दै रासबिता ट्राभल्समा पसेर कर्मचारीमाथि दुर्व्यवहार गरेको आरोप

काठमाडौँ । गौशालामा रहेको रासबिता इन्टरनेशनल ट्राभल्स एण्ड टुर्स प्रालिमा एक जना व्यक्तिले ‘प्रहरी हुँ’ भन्दै कर्मचारीहरूलाई दुर्व्यवहार गरेको आरोप छ । साउन ७ मा आरिफ रहमानले ‘प्रहरी हुँ’ भन्दै आफ्ना कर्मचारीलाई दुर्व्यवहार गरेको भन्दै ट्राभल्सले विभिन्न निकायमा उजुरी दिएको छ ।

प्रधानमन्त्री तथा मन्त्रिपरिषद्को कार्यालय, गृह मन्त्रालय, जिल्ला प्रहरी परिसर काठमाडौँ र आईजीपीको सचिवालय ट्राभल्सले उजुरी दिएको हो । रासबिता ट्राभल्ससँगै आनन्द लोक नामको लज छ । साउन ७ मा लज सञ्चालक कैमुला आलमले लजको कोठामा उडुस मार्ने औषधी छर्किएका थिए ।