सांसद पौडेलमाथि मसी प्रहारपछि गगन थापा : ‘असहमतिको उत्तर हिंसा होइन, लोकतान्त्रिक संवाद हो’

काठमाडौँ । नेपाली कांग्रेसका सभापति गगन थापाले राष्ट्रिय स्वतन्त्र पार्टी (रास्वपा)का प्रतिनिधि सभा सदस्य गणेश पौडेलमाथि भएको मसी प्रहारको घटनाप्रति गम्भीर आपत्ति जनाउँदै यस्तो गतिविधि लोकतान्त्रिक मूल्य–मान्यता विपरीत रहेको बताएका छन्।

थापाले लोकतन्त्रमा विचार फरक हुन सक्ने, असहमति पनि स्वाभाविक हुने उल्लेख गर्दै त्यसका नाममा कुनै व्यक्तिमाथि कालो मसी प्रहार गर्ने, दुर्व्यवहार गर्ने वा अराजक गतिविधिमा उत्रिने कार्य कुनै पनि हालतमा स्वीकार्य हुन नसक्ने स्पष्ट पारे।