१ हजार ३७१ बुलेट मोटरसाइकलका चालक ट्राफिक प्रहरीको कारबाहीमा

काठमाडौँ । ट्राफिक प्रहरीले ध्वनि प्रदूषण गर्ने र तीव्र गतिमा दौडाउने बुलेट मोटरसाइकलका चालकमाथि तीव्र कारबाही गरिरहेको छ । पछिल्लो ६ महिनामा उपत्यका ट्राफिक प्रहरी कार्यालयले १ हजार ३७१ बुलेट मोटरसाइकलका चालकलाई कारबाही गरेको हो ।

स्वरूप परिवर्तन गरेर ध्वनि प्रदूषण हुने गरी दौडाउने चालकलाई जरिवाना गरिएको उपत्यका ट्राफिक प्रहरी कार्यालयका प्रवक्ता (एसपी) नरेश सुवेदीले रातोपाटीलाई बताए ।