दलबलसहित कमला पुलमा पुग्दा किन स्थानीयको घेराउमा परे भौतिकमन्त्री लम्साल ?

जनकपुरधाम । संघीय पूर्वाधार विकास तथा शहरी मन्त्री सुनिल लम्साल शनिबार धनुषाको कमला नदीमा निर्माणाधीन पुलको निरीक्षण गर्न पुगेका बेला स्थानीयको घेराउमा परे । मन्त्री लम्साल नेतृत्वको टोली निरीक्षण सकेर कुनै स्पष्ट प्रतिबद्धता नदिई फर्किन खोजेपछि आक्रोशित स्थानीय अगुवाले उनीसँगै हिँडेर सरकारविरुद्ध नारावाजी गरे ।

पूर्व–पश्चिम यात्रामा रहेका मन्त्री लम्साल कमला पुलको अवस्थाबारे जानकारी लिन पुगेका थिए । उनीसँग प्रतिनिधिसभा सदस्य बब्लु गुप्तालगायत जनप्रतिनिधि र सरकारी अधिकारीहरूको टोली पनि थियो । तर, वर्षौंदेखि पुलको समस्या भोग्दै आएका स्थानीयले मन्त्रीबाट ठोस जवाफको अपेक्षा गरेका थिए ।