कर्णाली प्रदेशबाट काम गर्न रसुवा-नुवाकोट गएका १८५ जना सम्पर्कविहीन

त्रिशूली नदीमा बुधबार बिहान आएको प्रलयकारी बाढीका कारण कर्णाली प्रदेशका विभिन्न जिल्लाका १८५ जना मानिस अझै सम्पर्कविहीन छन्।

कर्णाली प्रदेश प्रहरी कार्यालय सुर्खेतका प्रवक्ता प्रहरी वरिष्ठ उपरीक्षक (एसएसपी) सन्तोषसिंह राठौरका अनुसार सुरूमा सम्पर्कविहीन भनिएका २१६ जनामध्ये बिहीबार दिउँसो साढे २ बजेसम्म ३१ जना सम्पर्कमा आएका छन्। बाँकी १८५ जना भने अझै सम्पर्कमा आउन सकेका छैनन्।