भरतपुर शव पहिचान केन्द्रमा बेचैन आफन्त : हातमा बेपत्ताका तस्वीर, आँखामा आँसु

११ भदौ, भरतपुर । रसुवामा आएको भीषण बाढीले आफन्त गुमाएका परिवारको पीडा अहिले चितवनसम्म आइपुगेको छ । बाढीमा बेपत्ता भएकाहरूको खोजीमा आफन्तहरू भरतपुरका अस्पतालदेखि शवगृहसम्म धाइरहेका छन् ।

कसैको हातमा आफन्तको तस्वीर छ त कसैको आँखामा आँसु । मनमा एउटै आशा छ– कतै हाम्रो मान्छे भेटिन्छ कि ? यही आशासँगै अर्को भय पनि छ– कतै आउने अर्को शव आफन्तकै त होइन ?