साढे १६ हजार मेगावाट क्षमताका २ सय ८१ आयोजनाको पीपीए भएन

काठमाडौं । करिब साढे १६ हजार मेगावाट क्षमताका २ सय ८१ जलविद्युत् आयोजनाको नेपाल विद्युत् प्राधिकरणमा विद्युत् खरिदबिक्री सम्झौता (पीपीए) हुन सकेको छैन । पीपीए नहुँदा लगानीकर्ताहरु अन्योलमा परेका छन् ।

सर्वेक्षण अनुमतिपत्र, अध्ययनदेखि पीपीएसम्म पुग्दा प्रतिमेगावाट ५० देखि ६० लाख रुपैयाँ लगानी भइसकेको हुने ऊर्जा प्रवर्द्धकको दाबी छ। पीपीए गरे पनि जलविद्युत् आयोजना बनाउन न्यूनतम ५ वर्ष लाग्छ। त्यसैले पीपीए रोकिइरहे दीर्घकालमा ऊर्जा संकट निम्तिन सक्ने सरोकारवाला बताउँछन्।