बालेन सरकारलाई बदनाम बनाउन किन लागे यी न्यायाधीश ?

सर्वोच्च अदालतका केही न्यायाधीशलाई राजीनामाको दबाब आएको भनी सबैभन्दा पहिला तीन अन्तर्राष्ट्रिय संस्थाहरुले सार्वजनिक गरे । एम्नेस्टी इन्टरनेसनल, ह्युमन राइट्स वाच र इन्टरनेसनल कमिसन अफ जुरिस्ट्स (आईसीजे) ले शुक्रबार संयुक्त प्रेस विज्ञप्ति जारी गरी न्यायाधीशलाई राजीनामा दिन दबाब आएको उल्लेख गरेका छन् ।

ती संस्थाहरुले यसरी दबाब दिने को हो र कुन स्रोतबाट यो जानकारी प्राप्त गरेको भनी कुनै उल्लेख गरेका छैनन् । जसमाथि महाभियोगको दबाब आएको भनिएको छ, ती न्यायाधीशहरुले पनि मुख खोलेका छैनन् । यदि साँच्चै दबाब आएको हुन्थ्यो भने अहिलेसम्म उनीहरुलाई पत्रकार सम्मेलन गरेर जानकारी दिन कसले रोकेको छ र ?