‘उद्योगको बक्यौता नउठाउने, जनतालाई भ्याट थप्ने?’— कुलमान घिसिङको सरकारमाथि प्रश्न

नेपाल विद्युत् प्राधिकरणका पूर्व कार्यकारी निर्देशक तथा उज्यालो नेपाल पार्टीका अध्यक्ष कुलमान घिसिङले डेडिकेटेड र ट्रंक लाइन प्रयोग गरेका उद्योगहरूको बाँकी विद्युत् महसुल असुलीमा सरकारले देखाएको मौनतामाथि प्रश्न उठाएका छन्। सामाजिक सञ्जालमार्फत आफ्नो धारणा सार्वजनिक गर्दै उनले सुशासनलाई प्राथमिकता दिएको सरकारले यस विषयमा स्पष्ट जवाफ दिनुपर्ने बताएका छन्।

घिसिङले लोडसेडिङको समयमा विशेष सुविधा लिएर विद्युत् उपभोग गरेका उद्योगहरूले तिर्नुपर्ने प्रिमियम महसुलको बाँकी बक्यौता अझै असुल हुन नसकेको उल्लेख गर्दै ऊर्जा, जलस्रोत तथा सिँचाइ मन्त्रालय र नेपाल विद्युत् प्राधिकरणले प्रभावकारी पहल नगरेको टिप्पणी गरेका छन्।