ज्यान बचाउन तीन किलोमिटरसम्म ब्याक गरियो गाडी

काठमाडौँ । केरुङ नाका नजिकै गएको भयानक पहिरो र बाढीको प्रत्यक्षदर्शी एक चिनियाँ महिलाले ज्यान बचाउन तीन किलोमिटरसम्म गाडी ब्याक (रिभर्स) गरेर चलाएको बताएकी छन्।

फाङ थर भएकी ती महिलाले चिनियाँ स्थानीय सञ्चारमाध्यम स्याओसियङ डेलीसँग कुरा गर्दै बुधबार तिब्बतबाट नेपालतर्फ गाडीमा आउँदै गर्दा नाकाभन्दा करिब चार किलोमिटर अगाडि रूख र बिजुलीका पोलहरू ढलिरहेको देखेको जानकारी दिएकी हुन्।