नारायणी अस्पताल घटना: आक्रमणमा परेका डाक्टरसहित आकस्मिक कक्षमा कार्यरत ५ जना निलम्बनमा

वीरगञ्ज- नारायणी अस्पतालमा शनिबार भएको घटनामा एक बिरामीको मृत्यु भएपछि उत्पन्न विवादका क्रममा चिकित्सकमाथि आक्रमण भएको घटनापछि अस्पताल प्रशासनले आकस्मिक कक्षमा कार्यरत पाँच जना स्वास्थ्यकर्मीलाई जिम्मेवारीबाट हटाएको छ। छानबिन समितिको प्रतिवेदन नआउञ्जेल उनीहरूलाई नियमित कामकाजमा नलगाइने निर्णय गरिएको हो।

अस्पतालमा बसेको सर्वपक्षीय बैठकले घटनाप्रति दुःख व्यक्त गर्दै मृतकप्रति हार्दिक श्रद्धाञ्जली अर्पण तथा शोकसन्तप्त परिवारप्रति समवेदना प्रकट गरेको छ।