विद्यालय कर्मचारी: ३८ वर्ष विद्यालयको सेवा गरेका कार्की राज्यबाट रित्तो हात,विद्यालयबाट ससम्मान बिदाइ

झन्डै चार दशकसम्म विद्यालयको ढोका खोल्ने, कक्षाकोठा सफा गर्ने, विद्यालय परिसर व्यवस्थित राख्ने र आफ्नै घरझैँ विद्यालयको संरक्षणमा खटिएका रामबहादुर कार्की अन्ततः सेवा निवृत्त भएका छन्। तर, ३८ वर्षभन्दा बढी समय विद्यालयमा निरन्तर सेवा गरेका उनलाई दिन राज्यसँग भएन अर्थात् राज्यविहीनताको महसुस भयो।

२०४५ साल वैशाख ७ गतेदेखि गौरीशंकर माध्यमिक विद्यालय, रामेछाप नगरपालिका-८ मा कार्यालय सहयोगीका रूपमा कार्यरत ७१ वर्षीय कार्कीलाई उमेर हदका आधारमा सेवा निवृत्त भए। तर, लामो सेवापछि सरकारले कुनै विशेष सुविधा वा सम्मानको व्यवस्था नगर्दा उनी रित्तो हात घर फर्किनुपर्‍यो।