आँपको बगैंचामा लुकाइएको एक सय ४० केजी गाँजा बरामद

पर्सा। पर्साको छिपहरमाई गाउँपालिका-१ मिर्जापुरस्थित आँपको बगैंचाबाट प्रहरीले १४० किलोग्राम गाँजा बरामद गरेको छ।

जिल्ला प्रहरी कार्यालय पर्साका अनुसार विशेष सूचनाका आधारमा इलाका प्रहरी कार्यालय पोखरिया र सशस्त्र प्रहरी बलको बीओपी मिर्जापुरबाट खटिएको संयुक्त प्रहरी टोलीले शनिबार राति करिब ९ः३० बजे उक्त स्थानमा खानतलासी गरेको थियो।