नारायणी अस्पतालका पाँच स्वास्थ्यकर्मी निलम्बित

नारायणी अस्पतालको आकस्मिक कक्षमा शनिबार भएको घटनाको छानबिनका लागि अस्पताल प्रशासनले पाँच स्वास्थ्यकर्मीलाई निलम्बन गरेको छ। उक्त घटनाको सात दिनभित्र प्रतिवेदन बुझाउने गरि छानबिन समिति गठन गरेको छ।

घटना भएको समयमा आकस्मिक कक्षमा कार्यरत डा प्रमोद राम, डा रामकिशोर सिंह, प्रह्लाद प्रसाद, नरेशकुमार चौधरी र आस्था यादवलाई छानबिन समितिको प्रतिवेदन नआएसम्मका लागि जिम्मेवारीबाट अलग राख्ने निर्णय गरिएको हो।