बागमतीमा नयाँ सरकार गठनको कसरत : एमाले नेकपाको बैठक बस्दै

हेटौँडा । बागमती प्रदेशमा नयाँ सत्ता समीकरण अनुसार सरकार गठनको प्रक्रिया अघि बढाउन आज निर्णायक छलफल हुँदैछ । नेकपा एमाले र नेपाली कम्युनिस्ट पार्टी (नेकपा) सहितको नयाँ समीकरणले सरकार गठनको खाका तयार पार्न आइतबार (आज) अपराह्न ४ बजे काठमाडौँमा बैठक बोलाइएको हो ।

नेकपा बागमती प्रदेश संसदीय दलका नेता शालिकराम जम्कट्टेलका अनुसार बैठकमा सरकारको नेतृत्व, मन्त्रालयको भागबन्डा र साना दलहरूलाई सरकारमा सहभागी गराउने विषयमा छलफल हुनेछ । चितवनमा रहेका एमाले बागमती संसदीय दलका नेता जगन्नाथ थपलिया काठमाडौँ आइपुगेपछि बैठक बस्ने उनले बताए ।