५० टन आपतकालीन राहत सामग्री र उद्धार टोलीसहित चिनियाँ वायुसेनाका २ विमान काठमाडौंमा

काठमाडौं : चीन सरकारले विपद् व्यवस्थापनका लागि नेपाललाई ५० टन आपत्कालीन राहत सामग्री उपलब्ध गराएको छ। आइतबार बिहान चिनियाँ जनमुक्ति सेनाको वायुसेवाका दुईवटा वाई-२० विमान ५० टन सामग्री, ४ जना सुरुङ उद्धार विशेषज्ञ, उद्धार उपकरणहरू लिएर त्रिभुवन अन्तर्राष्ट्रिय विमानस्थलमा अवतरण भएको नेपालस्थित चिनियाँ राजदूतावासले जनाएको छ।

विज्ञान, प्रविधि तथा नवप्रवर्तन मन्त्री माननीय महावीर पुन र नेपालका लागि चिनियाँ राजदूत महामहिम झाङ माओमिङले राहत सामग्री हस्तान्तरण समारोहमा सहभागिता जनाउँदै चिनियाँ उद्धार विशेषज्ञहरूलाई स्वागत गरेका थिए। मन्त्री महावीर पुनले संकटका बेला चीन सरकारले देखाएको सहयोगप्रति हार्दिक आभार व्यक्त गरे।