पछिल्लो २४ घण्टामा दुर्घटनामा ४ जनाको मृत्यु

देशभर पछिल्लो २४ घण्टामा सवारी दुर्घटनामा चार जनाको मृत्यु भएको छ भने १२४ जना घाइते भएका छन्। नेपाल प्रहरीका अनुसार विभिन्न प्रदेशमा भएका दुर्घटनाबाट मानवीय क्षति भएको हो।

तथ्यांकअनुसार सबैभन्दा धेरै घाइते काठमाडौं उपत्यकामा भएका छन्। उपत्यकामा ३२ जना घाइते भएका छन् । त्यसगरी कोशी प्रदेशमा २७, लुम्बिनीमा २१, मधेशमा २०, सुदूरपश्चिममा १३, कर्णालीमा ६ र बागमती प्रदेशमा ५ जना घाइते भएका छन्।