नारायणी अस्पताल घटनाबारे छानबिन गर्न समिति

वीरगन्ज। नारायणी अस्पतालमा शनिबार भएको घटनाको छानबिन गर्न पाँच सदस्यीय समिति गठन गरिएको छ।

अस्पतालको आकस्मिक कक्षमा उपचारका क्रममा वीरगन्ज महानगरपालिका २५ का ४५ वर्षीय राजकुमार पटेलको मृत्यु भएपछि उनका आफन्तले चिकित्सक तथा अस्पताल प्रशासनको लापरबाहीका कारण ज्यान गएको आरोप लगाउँदै प्रदर्शन गरेका थिए। आफन्तले अक्सिजनमा रहेका बिरामीलाई स्थानान्तरण गर्ने क्रममा अक्सिजन हटाइएका कारण मृत्यु भएको दाबी गरेका छन्।