ओलीसँग प्रचण्ड मिल्दा रिसाए माधव नेपाल

काठमाडौँ । प्रदेशस्तरमा नयाँ सरकार गठन गर्न एमाले अध्यक्ष केपी शर्मा ओली र नेकपाका संयोजक पुष्पकमल दाहाल ‘प्रचण्ड’ ले गरेको ३ बुँदे समझदारीप्रति नेकपाका सहसंयोजक माधवकुमार नेपालले असन्तुष्टि जनाएका छन् ।

शनिबार अध्यक्ष ओली र संयोजक प्रचण्डबिच पाँच वटा प्रदेशमा सरकार गठन गर्ने ३ बुँदे समझदारी गरेका थिए । उक्त समझदारी अनुसार नेकपा एमालेले कोशी, बागमती र लुम्बिनीमा मुख्यमन्त्री लिने र नेकपाले कर्णाली र सुदूरपश्चिममा मुख्यमन्त्री लिने सहमति भएको थियो । तर, उक्त सहमतिप्रति नेकपाका सहसंयोजक माधव नेपालले सत्ता केन्द्रीत सहमति मात्रै गरेको भन्दै असन्तुष्टि जनाएका हुन् ।