गेटाका उपकुलपति डा. जोशीको प्रतिक्रिया : 'परियोजनालाई सफलतापूर्वक सम्पन्न गर्ने हाम्रो दृढ संकल्प अझ सशक्त भएको छ'

काठमाडौं– शहीद दशरथचन्द स्वास्थ्य विज्ञान विश्वविद्यालय (गेटा) का पदाधिकारीको नियुक्ति खारेज गर्नुपर्ने माग सहित अनसनरत डा गोविन्द केसीसँग वार्ता चलिरहेका बेला उपकुलपति डा. सुनिलकुमार जोशीले आफूहरू विश्वविद्यालय निर्माणको जिम्मेवारीप्रति प्रतिबद्ध रहेको बताएका छन्।

आइतबार सामाजिक सञ्जालमार्फत प्रतिक्रिया दिँदै डा. जोशीले सुदूरपश्चिमका नागरिकबाट प्राप्त साथ र विश्वासले परियोजनालाई सफल बनाउने आफ्नो संकल्पलाई थप बलियो बनाएको उल्लेख गरेका छन्।