बाढीग्रस्त क्षेत्रमा स्टारलिंकको नि:शुल्क इन्टरनेट प्रस्ताव, सरकारको अनुमति पर्खिंदै

काठमाडौं । बाढी र पहिरोका कारण सडक, पुल तथा परम्परागत सञ्चार संरचना प्रभावित भइरहेका बेला नेपालमा उद्धार तथा राहत कार्यका लागि स्याटलाइट इन्टरनेट उपलब्ध गराउने प्रस्ताव आएको छ ।

अमेरिकी स्याटलाइट इन्टरनेट कम्पनी स्टारलिंकले नेपाल र तिब्बत सीमा क्षेत्रमा आएको विनाशकारी बाढीबाट प्रभावित क्षेत्रमा सञ्चार सहज बनाउन नेपाल सरकार तथा मानवीय सहायता संस्थालाई नि:शुल्क सेवा उपलब्ध गराउने प्रस्ताव गरेको हो ।