बोल्ड लुक्समा साम्राज्ञीको कमब्याक, ‘एक्का मिस्सी बादशाह’ घोषणा

काठमाडौँ- निर्देशक सञ्जय राईले नेपाली फिल्म क्षेत्रमा निर्देशनको यात्रा ‘एक्का मिस्सी बादशाह’ मार्फत सुरु गर्ने भएका छन्। आफ्नो जन्मदिनको अवसर पारेर शनिबार काठमाडौँमा आयोजित कार्यक्रममा उनले फिल्मको औपचारिक घोषणा गर्दै कलाकार र प्राविधिक टोली सार्वजनिक गरेका हुन्।

बेलायतमा बस्दै आएका राई लामो समयदेखि फिल्म निर्माण र निर्देशनमा रुचि राख्दै आएका थिए। विदेश बसाइका क्रममा पनि फिल्म निर्माणप्रतिको आफ्नो लगावलाई निरन्तरता दिएका उनले यही फिल्ममार्फत निर्देशनमा डेब्यु गर्न लागेका हुन्।