पुनरागमनको आसमा नेपाल

आईसीसी क्रिकेट विश्वकप लिग-२ बाट विश्वकप छनोट प्रतियोगितामा सिधै पुग्ने लक्ष्य बोकेको नेपाल दबाबमा परेको छ।

नेदरल्यान्ड्सको युट्रेच्टस्थित स्पोर्टस् पार्क मार्सचाल्करविर्ड मैदानमा जारी शृंखलाका लगातार दुई खेलमा पराजित भएपछि नेपालको अभियान थप चुनौतीपूर्ण बनेको हो। नेपालले पहिलो खेलमा नामिबियासँग आठ विकेट र दोस्रो खेलमा घरेलु टोली नेदरल्यान्ड्ससँग ६ विकेटको हार बेहोरेको थियो।