१० दिनदेखि कोदारी राजमार्ग अवरुद्ध हुँदा जनजीवन प्रभावित, तत्काल सडक खुलाउन माग

काठमाडौं- पहिरोका कारण कोदारी राजमार्ग १० दिनदेखि पूर्ण रूपमा अवरुद्ध हुँदा आवतजावत ठप्प हुनुका साथै स्थानीय जनजीवन प्रभावित बनेको छ।

राजमार्गको अवस्थाबारे जानकारी लिन पूर्वाधार विकासमन्त्री सुनिल लम्साल र कानून, न्याय तथा संसदीय मामिलामन्त्री सोविता गौतमले प्रभावित क्षेत्रमा स्थलगत अनुगमन गरेका छन्। उनीहरूले सडक सञ्चालनका लागि भइरहेका प्रयास तथा पहिरोबाट भएको क्षतिबारे जानकारी लिएका थिए।