बाढीमा बेपत्ता छन् भाइ, अन्तिम कुराकानी सम्झिँदै भक्कानिए दाइ

काठमाडौं । रसुवाको स्याफ्रुबेँसी प्रहरी चौकीमा कार्यरत प्रहरी हरेन्द्र यादव बाढीमा परी बेपत्ता भएका छन् । नवलपरासी, प्रतापपुर गाउँपालिका–८, डिबनी निवासी यादव बाढीपछि सम्पर्कविहीन भएका हुन् ।

हरेन्द्रका दाई सुरेन्द्र यादव पनि नेपाल प्रहरी तनहुँमा कार्यरत छन् । सुरेन्द्रका अनुसार भाइसँग सोमबार अन्तिमपटक कुराकानी भएको थियो। त्यसबेला हरेन्द्रले आफू घर आउने र दाइलाई पनि बिदा लिएर घर आउन आग्रह गरेका थिए ।