बाटुली पोखरीमा तीन प्रजाति जलचरका ४४० गुँड

चितवन। चितवनको बाटुली पोखरी मध्यवर्ती सामुदायिक वनअन्तर्गतको बाटुली पोखरी र कुमाल तालमा जलचर प्रजातिका चराको गुँड गणना गरिएको छ। गणनाका क्रममा बाटुली पोखरीमा ४४० वटा र कुमाल तालमा १५ वटा गुँड भेटिएका छन्।

नेपाल पन्छीविद् संघ बागमती प्रदेशका संयोजक वासु बिडारीका अनुसार बाटुली पोखरीमा डाटर जातका पाँच वटा, स्वेतकण्ठ गरुडका दुई वटा र घुँङ्गीफोर गरुडका ४३३ गुँड भेटिएका छन्। यस्तै कुमाल तालमा भेटिएका सबै गुँड घुँङ्गीफोर गरुडका छन्।