नविकरण नहुँदा देशभर दुई हजारभन्दा बढी एम्बुलेन्स थन्किए

काठमाडौँ । स्वास्थ्य ऐन २०७५ ले स्वास्थ्य संस्थाबाहेक अन्यलाई एम्बुलेन्स सञ्चालन गर्न रोक लगाएपछि नवीकरण नभएर देशभर दुई हजारभन्दा बढी एम्बुलेन्स थन्किएका छन्।

संयुक्त एम्बुलेन्स चालक सङ्घ नेपाल (ट्रेड युनियन सङ्घ) का अध्यक्ष नवराज लामिछानेका अनुसार देशभर करिब ६ हजार एम्बुलेन्स सञ्चालनमा रहेका छन्। त्यसमध्ये स्वास्थ्य संस्थाबाहेक गैरसरकारी संस्था र निजी क्षेत्रले सञ्चालन गरेका एम्बुलेन्सहरू नवीकरण हुन नसकेका हुन् भने यस्ता थप १ हजार ५०० एम्बुलेन्ससमेत प्रभावित हुने अवस्थामा छन्। स्वास्थ्य संस्थाले सञ्चालन गरेका एम्बुलेन्सहरू मात्र हाल नवीकरण भएका छन्।