कर्णाली नेकपाका सचेतक भन्छन्‌ : एमालेसँगको सहकार्य सहज तरिकाले अघि बढ्ला जस्तो लाग्दैन

सुर्खेत । केन्द्रमा नेपाली कम्युनिस्ट पार्टी र नेकपा एमालेसँग सत्ता समीकरण बनेसँगै उक्त समीकरण नेकपा कर्णालीका नेतालाई निल्नु न ओकल्नुजस्तै भएको छ । प्रदेशका कांग्रेससँग समीकरण गरेर एमालेका मुख्यमन्त्रीविरुद्ध अविश्वास प्रस्ताव दर्ता गरी राजीनामा दिन बाध्य पारिसकेको अवस्थामा केन्द्रबाट जबरजस्ती एमालेसँग सहकार्य अघि बढाइएको छ ।

साथै, उक्त समीकरण स्वीकार गर्न नेकपा पार्टी केन्द्रले निर्देशन समेत दिइसकेको छ । सोही अनुसार, नेकपा कर्णाली प्रदेश संसदीय दलका नेता मङ्गलबहादुर शाही आइतबार पार्टी केन्द्रसँग छलफल गर्न काठमाडौँ गएका छन् ।