रसुवा बाढी : चिनियाँ नागरिकसहित १८३ जनाको उद्धार, टनेलमा फसेकाको खोजी तीव्र

काठमाडौं ।

रसुवामा आएको भीषण बाढीपछि नेपाली सेनाले उद्धार तथा खोजी कार्यलाई तीव्र बनाएको छ। नेपाली सेनाका हेलिकप्टरमार्फत आइतबार बिहान ११ बजेसम्म टिमुरे, धुन्चे र हाकुवेसी क्षेत्रबाट चिनियाँ नागरिक ४ जनासहित १८३ जनाको उद्धार गरिएको छ। बाढीका कारण प्रभावित तथा जोखिममा परेका नागरिकलाई प्राथमिकताका आधारमा सुरक्षित स्थानमा सार्ने काम भइरहेको नेपाली सेनाले जनाएको छ। यसैबीच, त्रिशूली–३ जलविद्युत् आयोजनाको टनेलमा फसेका टोलीको उद्धार तथा खोजी कार्य पनि तीव्र पारिएको छ।