२४ घण्टामा देशभर विपद्का ४१ घटना, २३ लाख बराबरको क्षति

काठमाडौँ । पछिल्लो २४ घण्टामा देशभर ४१ वटा विपद्का घटना घटेका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार विपद्बाट ३७ जिल्ला प्रभावित भएका छन् । विपद्बाट कुल रु २३ लाख २३ हजार बराबरको क्षति भएको छ ।

विपद्मा परेर ३ जनाको निधन भएको छ भने १९ जना घाइते भएका छन् । प्राधिकरणका अनुसार साउन ९ गते बिहानदेखि १० गते बिहानसम्म सबैभन्दा बढी सर्पदंशका घटना भएका छन् ।