मधेसको कैलास टुटेश्वरमा भाइरल ज्वरोको कहर,छैन सिटामोल

टुटेश्वरधाम : महोत्तरीको बर्दिबास नगरपालिका–५ बरडाडामा पछिल्ला केही दिनयता बालबालिकामा भाइरल ज्वरो फैलिएको छ। ज्वरोका कारण श्री नेपाल राष्ट्रिय आधारभूत विद्यालयका करिब ७५ प्रतिशत विद्यार्थी विद्यालय आउन सकेका छैनन्।

विद्यालयका प्रधानाध्यापक बिल्टु यादवका अनुसार करिब ७५ विद्यार्थीमध्ये २७ जनाको हाराहारीमा मात्रै विद्यालय आएका छन्। गाउँमा स्वास्थ्य संस्था र स्वास्थ्यकर्मी नहुँदा सामान्य उपचार तथा सिटामोलसमेत सहजै उपलब्ध छैन।