Scam Exposed: टिकटकमा देखिएको ९ हजारको चाँदीको हार किन्न खोज्दा यसरी लुटियो ९७ हजार रुपैयाँ

काठमाडौं । ललितपुरकी ३१ वर्षीया रमिला शर्मा (नाम परिवर्तन) को टिकटक ‘फर यू पेज’ मा एउटा चाँदीको लकेटको विज्ञापन देखियो । विज्ञापन गर्ने पेजको नाम थियो ‘SKS ONLINE SHOP’ । उक्त भिडिओमा देखिएको लकेटको मूल्य जम्मा ९ हजार रुपैयाँ थियो । शर्माले प्रोफाइल हेरिन् । उक्त अकाउन्टलाई झन्डै ८ हजार अकाउन्टबाट फलो गरिएको थियो ।

बायोमा लोकेसन ‘भक्तपुर राधेराधे चोक’ र स्मार्ट सेलको ह्वाट्सएप नम्बर ‘९८०१७७२९४८’ राखिएको थियो । शर्माले उक्त नम्बर ह्वाट्सएपमा डायल गरिन् र कुरा गर्न थालिन् ।