बारामा सवारी दुर्घटना बढे पनि घट्यो मृत्यु हुनेको सङ्ख्या, कारबाही र राजस्वमा पनि कमी

बारा । बारामा आर्थिक वर्ष २०८२/८३ मा सवारी दुर्घटनाको सङ्ख्या अघिल्लो वर्षको तुलनामा बढे पनि दुर्घटनाबाट ज्यान गुमाउनेको सङ्ख्या भने उल्लेख्य रूपमा घटेको छ।

जिल्ला ट्राफिक प्रहरी कार्यालय बाराका प्रमुख इन्स्पेक्टर हरी भट्टराईका अनुसार आर्थिक वर्ष २०८१/८२ मा १ हजार १ सय ४७ सवारी दुर्घटना हुँदा ९३ जनाको मृत्यु भएको थियो। आर्थिक वर्ष २०८२/८३ मा दुर्घटनाको सङ्ख्या बढेर १ हजार २ सय ११ पुगे पनि मृत्यु हुनेको सङ्ख्या ७९ मा सीमित भएको छ। यसले अघिल्लो वर्षको तुलनामा १४ जनाको ज्यान जोगिएको देखाएको छ।