दक्षिण कोरियामा रास्वपा सांसदहरूसँग प्रवासी नेपालीको खुला संवाद

सियोल । राष्ट्रिय स्वतन्त्र पार्टी (रास्वपा) को प्रवास नेपाली सम्पर्क विभाग, दक्षिण कोरियाको पहलमा प्रतिनिधिसभा सदस्य दीपक बोहरा र बसुमाया तामाङसँग प्रवासी नेपालीहरूको अन्तरक्रिया कार्यक्रम सम्पन्न भएको छ।

सियोलको छोङ्नो क्षेत्रमा आयोजित कार्यक्रममा विभिन्न पेसा तथा क्षेत्रमा आबद्ध नेपालीहरूको सहभागिता रहेको थियो। कार्यक्रममा सहभागीहरूले वैदेशिक रोजगारीका क्रममा भोग्नुपरेका चुनौती, श्रमिक अधिकार, सरकारी सेवा-सुविधा, नेपालसँग जोडिएका विषय तथा प्रवासी नेपालीको योगदानबारे आफ्ना धारणा राखेका थिए।