पेन्टागनले चुपचाप सच्यायो हताहतको विवरण, मृतक र घाइते अमेरिकी सैनिक ६ सय नाघे

वासिङ्टन डिसी । अमेरिकाले इरानविरुद्ध सुरु गरेको युद्धमा घाइते र मृत्यु हुने सैनिकको सङ्ख्या ६ सय नाघेको पुष्टि भएको छ।

अमेरिकी रक्षा मन्त्रालय (पेन्टागन) ले शनिबार आफ्नो आधिकारिक ‘डिफेन्स क्याजुअल्टी एनालाइसिस सिस्टम (डीसीएएस)’ को तथ्याङ्क अद्यावधिक गर्दै यसअघि सार्वजनिक नगरिएका १४० भन्दा बढी घाइते सैनिकको विवरण थप्नुका साथै इरानी आक्रमणमा ज्यान गुमाएका चार सैनिकको नाम पुनः समावेश गरेको हो।